Slow Food Səyahət

Hər bir coğrafi yerin arxasında kimlik və mədəniyyətləri əsrlər boyu formalaşmış insanlar tərəfindən qorunub saxlanılan hekayələr, qastronomik adətlər, ənənəvi dadlar və illərin sınağından çıxmış metodlar dayanır. Hər bir qastronomik ənənə isə unikal turizm təcrübəsinə çevrilə bilər.

Slow Food Səyahət turizmin yeni modelini təklif edir. Modelin əsasında fermerlər, pendir hazırlayanlar, çobanlar, qəssablar, çörəkçilər və şərabçılar ilə görüşlərin keçirilməsi və fikir mübadiləsinin aparılması dayanır. Belə bir format yerli ənənələrdən və regionların xüsusiyyətlərindən daha ətraflı məlumat əldə etmək imkanı yaradır. Modelin əsas məqsədi səyyah və turistlərin qida biomüxtəlifliyinin qorunmasına cəlb edilməsi və onların yerli mədəniyyət, eynilik və aşpazlıq mədəniyyəti barəsində biliklərinin artırılmasıdır.

Səyahətlər zamanı iştirakçılar Slou Fud Prezidiyanı ziyarət etmək, Dad Gəmisi məhsulları ilə yaxından tanış olmaq və Terra Madre qida icmalarında qalmaq imkanları əldə edirlər.

Səyyah və turistlər istehsalatçılar, “keyfiyyətli, təmiz və ədalətli” məhsulları istifadə edən aşpaz və ya kiçik mehmanxana sahiblərinin qonağı olurlar.

Giacomo Miola ilə “Slow Food turizm təcrübələri” adlı təlim videosu (Qida Təcrübəsi meneceri və Amalfi Coast Slow Food marşrutunun koordinatoru, İtaliya)
Oskar Messner (Aşpazlar İttifaqının üzvü, Pitzock restoranı, Val di Funes, İtaliya) ilə “Istehsalçılarla qonaqlama yerləri və restoranlar arasında əməkdaşlığı necə gücləndirmək olar” adlı təlim videosu
Eckart Mandler ilə “Agriturizmin / kiçik miqyaslı istehsalçıların qonaqlama xidmətlərini necə inkişaf etdirmək olar” adlı təlim videosu (Slow Food Travel Alpe Adria, Avstriya)